Það má með sanni segja að lífstíllinn hans Curly sé góður - á kattarmælikvarða.

Dofri komst að því að eftir ca. 1,5 viku þar sem Curly hefur fengið að hafa kassann sinn á parketinu fyrir framan salernið er Curly bara orðinn vel vanur að vera á hlutfallslega heitu teppi og parketi miðað við jökulkaldar flísar inn á klósetti. Og ekki bætir út að salernið er skugga meginn í blokkinni, það er lítill gluggi á því og það er enginn ofn þar inni. Samkvæmt mæli er gólfhitinn þar um og undir 10 gráður og kemst Dofri ekki þar inn nema á inniskóm - og hvernig í ósköpunum ætti Curly að kæla loppurnar sína með að tölta þangað inn nema ... Dofri dragi út hvíta dregillinn! Og já, segi það og skrifa - hvíta dregilinn ... hvítt handklæði sem nær frá hurðinni að kassanum þar sem hann er við hlið klósetinu hans Dofra!

Undanfarið hefur Dofri verið að reyna að hafa hita í íbúðinni með því að kynda með gaskyndingunni, og hafa ekki opið út og hefur það skapað mikinn raka sem aftur lætur það virka kalt að vera í íbúðinni. Við að opna vel út minnkar rakinn inni - en með að nota gas-hitarann hitnar í íbúðinni ... en það er jú ekki notað hann OG opið út - svo Dofri og Curly voru komnir í sérstakan vítahring - hitinn sem gashitarinn bjó til var ekki nógu mikill til að þurrka rakann - því gashitarinn framleiddi alltaf meiri raka. Og niðurstaðan var að kassinn hans Curly var tekinn fram til að leyfa klósettinu að vera köldu og hurðinni þangað inn lokað svo kuldinn þar væri bara þar inni.

Og Dofri skilur Curly svo vel að vilja ekki vera að hoppa inn á WC á köldum loppunum þegar hann fer ekki einu sinni sjálfur á tásunum þangað inn

En með því að fjölda matmálstímum Curlys finnst Dofra hann hafi orðið var við að Curly sé mun rólegri og afslappaðri og hefur Dofri ekki heyrt hann hvæsa sl. dag! Einnig hefur hann ekki klárað allt um leið - ekki skóflað í sig öllu, heldur farið í smá gönguferð og komið aftur síðar. Þetta er kannski að virka vel fyrir Curly, - hver veit, það mun koma í ljós á næstunni!

Kveðja

Dofri og Curly

Nú er kominn mánudagur og góð vika frá því síðast var skrifað um Curly. Síðan þá hefur svo sem lítið gerst, nema helst það að Dofri hefur setið við skrifborðið og unnið og í kjöltu hans hefur Curly setið og malað. Í síðustu viku voru þó dagar sem var verulega kalt og Dofri slappur svo hann vann uppí rúmi undir teppi - og þá bara skellti Curly sér líka undir teppi.

Curly hefur fundið fyrir kuldanum hérna í þessum Ástralska vetri. Eyrun hans og skottið eru kalt og nýtur hann þess fram í loppuendanna að láta strjúka á sér feldinn. Á nóttinni sefur hann ekki undir sæng eins og Dofri, heldur sefur hann UNDIR sænginni allur og við hlið Dofra. Þarf Dofri að passa sig á að velta sér ekki hratt við á Curly, því hann steinsefur og er ekkert að spá í bröltið á Dofra á nóttinni.

Um helgina fór Dofri svo út úr bænum á Íslendingahátíð í tilefni 17. júní. Á föstudagskvöldinu kom Rachida vinkona Önnu og gaf Curly og kom hún aftur á laugardaginn tvisvar sinnum. Á sunnudagsmorguninn kom svo Dofri til baka og þá var eins og týndi sonurinn væri mættur - Curly hefur ekki sleppt mér síðan - meira segja vill bara setja á lærinu á Dofra ef hann vill ekki vera með fæturna saman fyrir Curly.

Í dag mánudag var Curly að nudda sig utan í eitthvað og rispaði sig aðeins fyrir ofan augnbrúnina en það bæðir ekkert út því og hann þverneitar fyrir að segja hvað eða hvar það gerðist. Kannski er þetta búið að vera í einhverja daga og Curly er bara rauður þarna en hann leyfir Dofra alveg að fikta í þessu svo þetta er ekki sárt (lengur alla veganna).

Meðfylgjandi myndir eru fá Curly á læri í dag og af augnbrúninni hans.

Kveðja frá Sydney

Dofri og Curly

Frá því á miðvikudag hefur ýmislegt verið í gangi hérna í Sydney - bæði gott og betra :)

Til að byrja með tók Curly upp á því að pissa á gólfið við hliðina á kassanum sínum. Dofri tók þetta ekkert illa upp, jú, þetta var góð og mikil spræna á mánudaginn ... og aftur á þriðjudaginn ... og á miðvikudaginn aftur. Nei, eitthvað var í gangi. Ekkert í rútínu heimilisins hafði breyst, matartími, magn mats, klapp ... allt var eins, nema bara þetta pisserí. Ég horfði á þetta þannig að hann væri að drekka vel og það var ekki of mikil lykt af þessu sem ég held að sé gott, svo hann hefur einhverjar ástæður fyrir þessu. Ég vildi ekki vera að blogga um þetta, því ég vildi ekki láta Önnu halda að það væri eitthvað að. En vitir menn, Dofra datt í hug að kannski væri þessi HI-TECH kattarsandur bara ekki nógu góður fyrir Curly lengur .... svo Dofri skipti um hann. Um leið og búið var að því, og Dofri varla farinn út af salerninu prufaði Curly sandinn og var MJÖG sáttur við hann! Og síðan þá hefur hann notað hann. Þótt sandurinn eigi að duga í mánuð - og það sé hrært til í honum daglega, þá er rakinn hérna líklega það mikill að sandurinn virkar blautur fyrir Curly og þá vill hann bara gera nr. 2 í kassann og ekki bleyta loppurnar fyrir smá pisserí.

Curly er farinn að sækja verulega á Dofra þessa daganna. Hann er farinn að sækja að vera í fanginu á honum lengur og lengur ... og sitja upp á borðinu hjá honum langtímunum saman á daginn. Það sem er það nýjasta hjá Curly er að láta Dofra lyfta upp sænginni og þá bakkar hann inn og hefur haustin út úr sænginni. Þannig var hann á fim., föst. og laugardagsmorgun eftir að Dofri lét slökkva á hitaofninum sem Curly kúrir fyrir framan fyrri hluta nætur.

Hinsvegar byrjaði að rigna aðeins á miðvikudagsnóttina, fimmtudaginn komu skúrir og á föstudaginn og í dag er versta veður í meira en 30 ár. Það hefur verið meira og minna grenjandi rigning og sterkur vindur og trén hérna sveiflast til og stórar greinar verið að brotna af trjánum hér í götunni. Dofri hefur verið svo indæll að kveikja af og til yfir daginn á ofninum svo Curly getur hitað sig. Curly hefur vel kunnað að meta það - enda hafa eyrun á honum verið orðin köld og hann sýnt það að honum er kalt með því að vera stirður og ekki með einn eða neinn leik - bara hálf "frosinn" og orkulítill. Dofri vill samt ekki eyða rafmagni og jarðgasinu of mikið svo hann vill reyna að spara það og er duglegur að setja yfir Curly handklæði þar sem hann er, m.a. uppá borðinu.

Á fimmtudagsmorguninn datt netið út þegar það var uppfært og komst það ekki í lag fyrr en Simmi vinur Önnu kom í heimsókn og fixaði það eftir eftir vinnu á föstudaginn. Það er ekki hægt að segja annað en að Dofri hafi verið lítið við tölvuna á þessum tíma og gefið Curly extra mikinn tíma í kelerí :)

Nú Chrissann kom með bílinn hennar Önnu eldsnemma á föstudagsmorgun og Curly fór ekki undan sænginni þótt Dofri hefði farið að taka á móti bílnum niðrí bílageymslu. Þegar Dofri kom aftur og hélt áfram að kúra, kom Curly bara ofar í rúmmið svo hann gæti horft á Dofra undan sænginni. Það lá við að svipurinn á Curly hafi verið hálf forvitinn: hvað var Dofri að gera út svona snemma og hvað í ósköpunum heldur hann að hann sé að gera að koma undir sængina mína! :))

Hérna meðfylgandi eru þrjár myndir, ein af honum rétt í þessu uppá prentaranum, svo hoppaði Curly í fangið á Dofra og Dofri er að finna á Curly hversu eyrun hans eru köld og þriðja myndi er af Curly horfa á Dofra :)

Þessi helgi er löng í Ástralíu, það er queens birthday og þá er mánudagurinn frídagur. Curly og Dofri eru eiginlega ekkert að fatta það ... enda lítill dagamunur hérna á  heimilinu :) Núna er 14 stiga hiti úti og rigning og við Curly höldum áfram að kúra í kvöld :)

Góða helgi Anna fyrir vestan :)

Þar sem Curly hefur fengið að heyra röddina hjá Önnu 1-2 sinnum á dag sl. daga hefur Dofri ekki verið mikið að spá í að uppfæra bloggið. En eftir að Dofri kom heim úr löngum göngutúr í dag var Curly á uppáhalds staðnum sínum inn í skáp. Curly hraut þegar Dofri kom inn og skipti um föt og var ekkert að nenna að vakna eða hvað þá að kíkja út úr skápnum. Eftir það fór Dofri að vinna í vinnuherberginu í tölvunni sinni og þá fékk Curly köllunina: "ég vill fá strokur og klapp"!!!

 Curly kom gangandi inn mjálmandi svo hátt og skýrt, að Dofri greip myndavélina af borðinu og tók mynd af Curly labba í þessu söng-góða skapi. Eftir að Curly hafði labbað nokkra hringi um Dofra sýndi hann vilja til að koma uppá borð og setti Dofri þá teppi sem Curly liggur stundum á á stólnum við hlið borðsins á borðið fyrir hann. Jú Curly hoppar upp ... en teppi hvað - nei, hann hefur lært það af mömmu sinni að liggja heldur bara á bókastafla þegar mar er í þessu herbergi! Og svona fyrst maður er kominn uppá borð, og þessi dýrindis Dell tölva er hérna, - af hverju ekki bara að nota hana til þess að klóra sér?? Hún er miklu betri en Dofri ... um stundasakir. En Dofri mátti ekki klappa Curly lengi því þá byrjar Curly að sýna tennurnar og hvæsa án þess í raun að vera vondur. Hann er bara ekki að feel aðstæðurnar en samt hleypur hann ekki í burtu. Alla veganna, Curly þótti svo gott að fá Dofra heim að hann plantaði sér á bækurnar á borðinu, snéri sér út í horn, svaraði ekki kalli og setti malar-vélina í gang og hafði það þvílíkt gott um stund.

Eftir þó nokkurn tíma fattaði Dofri hvaða keluskap Curly var kominn í ... þegar Dofri sagði "Curly, are you hungry" ... þá stökk hann á fætur og hljóp inn í eldhús ... og aftur til baka, því auðvita þurfti Dofri að gefa Curly mat - matartíminn var jú kominn, en reglan er líka að labba helst á milli fótanna á Dofra þegar hann er örugglega að fara að gefa Curly mat 

Meðfylgjandi eru 3 myndir sem ég hef þjappað vel saman svo þær taka ekki mikið pláss - eru þær ekki í nothæfum gæðum Anna? Curly er sammála þér

 Kveðja, Dofri og Curly